LESSON 7

Macro Mode එකේ ඉදන් close-ups ගන්න

මැක්‍රෝ මොඩ් එක තියෙන්නේ ඉතා කුඩා දේවල් සමීපව ඡායාරූප ගත කරන්න.එනම් ඇසට නොපෙනෙන කුඩා දේවල්ය.මලක්,කෘමියෙක් වගේ දේවල් ඉතා සමීප ලෙස ඡායාරූප ගත කිරීමට මෙය භාවිතා කරයි.සාමාන්‍ය ඩිජිටල් කැමරාවක් නම් එහි සීමාවක් තිබෙනවා.DSLR එකක් පාවිච්චි කිරීමේදී ඔබට පුළුවන් macro lens පද්ධතියක් පාවිච්චි කරන්න.එමගින් අල්පෙනෙති තුඩක් තරම් කුඩා දෙවල්වල ඡායාරූප ගත හැකිය.කැමරාවේ මොඩ් එක මැක්‍රෝ මොඩ් එකට දාගන්න.ඒ සදහා මලක අයිකන් එකක් ඇත.

  

දැන් කුමක් හෝ කුඩා දෙයක ඡායාරූපයක් ගත හැකිය.මැක්‍රෝ ඡායාරූප ගැනිම එතරම් පහසු කාර්යක් නොවේ. වස්තුවට බොහෝ ලං වෙලා ඉන්න නිසා කැමරාවේ පොඩිම සෙලවීමක් නිසා උනත් එය ලොකු වෙනසක් කරනවා.එම නිසා මැක්‍රෝ ඡායාරූප ගැනීමේදී tripod එකක් භාවිතය ඉතාම වැදගත්.

LESSON 6

ත්‍රිපාදය ( tripod ) භාවිතය 

අඩු ශටර වේගයක් යොදාගෙන ඡායාරූප ගැනීමේදී ත්‍රිපාදයක් භාවිතා කිරීම අත්‍යවශ්‍යයි. කැමරවේ ශටරය දිගු වෙලාවක් විවෘතව  තිබෙන නිසා කැමරාව නිශ්චලව පැ අනිවාර්යයි.නැතිනම් ඡායාරූප සෙලවී බොදවී යනවා.මෙහිදී ඔබට අවස්ථාව ලැබෙනවා wide aperture එකක් පාවිච්චි කරලා ඡායාරූප ගන්න.telephoto lens එකක් භාවිතා කරන අවස්ථා වල මෙන්ම macro lens එකක් භාවිතා කරන අවස්ථා වලත් ත්‍රිපාදයක් භාවිතා කල යුතුය.ත්‍රිපාදයක් එහෙ එහෙ මෙහෙ අරන් යන්න අමාරු නම් monopod එකක් භාවිතා කල හැකිය.එය රැගෙන යාම ඉතා පහසුයි.අඩු ඉඩක් ගනී.එසේම කුඩා ඉඩක උනත් පහසුවෙන් හැසිරවිය හැකිය. දැන් ජංගම දුරකථන කැමරාවකිනුත් ලස්සනට ඡායාරූප ගත හැක.

MONOPOD 

       

LESSON 5

DSLR කැමරාව යනු කුමක්ද?

DSLR යනු Digital Single Lens Reflex යන්න කෙටි කර දැක්වීමයි.එනම් තනි  කාචයකින් රූපය දැකීමටත් රූපය ග්‍රහණය  කර ගැනීමත් දෙකම සිදු කරන ඩිජිටල් කැමරාවක් යන්නයි.මෙය පැරණි  ඡායා රූප පටල භාවිතා කල කැමරාව SLR නමින් හැදින්වේ.

DSLR කැමරවේ ඇතුලත

1.Lens කාචය 

2.Reflex mirror පරාවර්තක දර්පනය 

3.Shutter ෂටරය 

4.Sensor සංවේදකය 

5.Matte focusing screen රූප යොමු තිරය

6.Condenser lens සරල කාචය

7.Pentaprism ෂඩාශ්‍ර  හැඩති  ප්‍රිස්මය

LESSON 4

Focal length
ඇතටම කීවොත් කැමරාවක තියෙන්නේ එක කාචයක් නෙවෙනෙ.කාච පද්ධතියක්.ඉතින් ඒ කාච පද්ධතියෙම සංයුක්ත නාභිය දුර තමා මේ focal length කියල කියන්නේ.(හැබැයි සරල point and shoot කැමරාවක තියෙන්නේ ස්ථිර නාභිය දුරක් තියෙන එක කාචයක් විතරයි)
කාච පද්ධතියේ නාභිය දුර අනුව ඒවා කොටස් 3 කට බෙදන්න පුළුවන්.ඒවා ගැන ඉස්සරහට කතා කරමු.
එක වෙනස් වෙනකොටත් ඡායාරූපයට එක එක වෙනස්කම් වෙනවා.මෙතනදීත් එනවා මම තාම ඔයාලට කියල නොදුන්න අර ඉස්සෙල්ලත් කිවුව එක,depth of field,focal length එක වැඩි වෙන්න වැඩි වෙන්න depth of field එක අඩු වෙනවා.focal length අඩු එන්න අඩු වෙන්න depth of field එක වැඩි වෙනවා.

zooming
දුරස්ථ යමක් කැමරා ඇසට හසු කර ගැනීමීදී එය කැමරාව මගින් ලගට ගෙන්න ගන්න පුළුවන්.එකට තමයි zoom කරනවා කියන්නේ.
එකේ කොටස් දෙකක් තියෙනවා.එනම්,optical හා digital කියල.කැමරවේ ඇති කාචපද්ධතියකි.එකේ නාභිය වෙනස්  කිරීමෙන් පුලුව zoom එක වෙනස් කර ගනන.විශාලනයට අමතරව මේකෙන් තවත් වැඩ දාන්න පුළුවන්.

LESSON 3

Depth of Field(DOF)
ඡායාරූපයේ තියෙන ගැබුර තමයි මේ depth of field එක කියල කියන්නේ.ගැබුර වැඩි වෙනවා කියන්නේ වැඩි ප්‍රදේශයක තියෙන දේවල් හරියට පැහැදිලිව පේන විදියට නාභිගත වෙලා. ගැබුර අඩු වෙනවා කියන්නේ පොඩි ප්‍රදේශයක් විතරයි නාභිගත වෙලා තියෙන්නේ.
මෙතන මේ ප්‍රදේශය කියල කියන්නේ මුළු ඡායාරූපයේ වර්ගඵලය ගැන නෙමෙයි.එක එක වස්තු පිහිටි තලයන් ගැන.ගැබුර වැඩි වෙනකොට තලයන් ගොඩක් නිවැරදිව නාභිගත වෙනවා. බලන්නකෝ මේවා ,
මේක DOF වැඩියි.මුළු ප්‍රදේශයම හොදින් නාභිගත වෙලා තියෙන හැටි බලන්න.

පහත ඡායාරූපයෙන් depth of field එක පිලිබදව තවත් පැහැදිලි කර ගත හැකිය.

පහතින් දැක්වෙන ඡායාරූපය ද මේ  සදහා හොදම නිදසුනකි.

LESSON 2

කෑමරාව හා බැදුනු දේවල්.......

කැමරාව හා බැදුනු දේවල් ගැන කතා කරන විට අපට පහත කරුණු කෙරෙහි අවධානය යොමු කල කල යුතුය.

  

Exposure(අනාවරණය ) 

 exposure  කියල  කියන්නේ,ඡායාරූපය ගැනීමේදී කැමරාවේ සංවේදකය / සේයා පටලය මතට වැටෙන සියලු ආලෝක ප්‍රමාණයට.ඒක මනින්නේ ලක්ස් තත්පර ( lux second) වලින්.මේක රදා පවත්හිනව කැමරවේ ශටරය ඇරිල තියෙන කාලයත්,කැමරව තුලට ආලෝකය ලබා ගන්න සිදුරේ විෂ්කම්භයත් මත (aperture ) ෂටරය ඇරිල තියන කාලෙ වැඩිවෙනකොට අනාවරණ කාලයත් වෙඩි වෙනවා.නැත්නම් aperture සයිස් එක ලොකු වෙන්න ලොකු වෙන්නත්,කැමරාව තුළට වැටෙන ආලෝකය වැඩි වෙනවා.ඒ කියන්නේ exposure එක වැඩි වෙනවා කියන එක තමයි.


ISO speed 
ISO speed කියන්නේ කැමරවේ සංවේදීතාවය සමග බැදුනු දෙයක්.ඔයාල සේයා  පට යොදා ගන්නා කැමරා භාවිත කරලා තියනවා නම් ඒ සේයා පටයේ තියෙන ISO 100 නැත්නම් 200 කියල තියෙන ඉලක්කම ගැන හිතල තියෙනවද?ඒ තමයි  ISO speed එක.එකෙන් කියන්නේ ඔය කියන  සේයා  ආලෝකයට කෙතරම් සංවේදීද කියන එක ඉලක්කමේ විශාලත්වය වැඩි වෙන්න වැඩි වෙන්න සන්වේදීතාවයත් වැඩි වෙනවා.
සාමාන්‍යයෙන් දහවල් කාලයේ ඡායාරුපයක් ගනිද්දී ඉසෝ 100 හොදටම ඇති හවස් වරුවකට 400 වඩාත්ම ගැලැපෙනවා.රාත්‍රියේදී අදුරු පරිසරයක් ගනිද්දී ISO 100 හොදට ඇති.හවස් වරුවකට 400 වඩාත්ම ගැලපෙනවා.රාත්‍රියේදී අදුරු පරිසරයකදී ගන්නවා නම් 800,1600 වගේ විශාල ඉසෝ අගයක් තියෙන එකක් පාවිච්චි කරන එක හොදයි.
මේක 25,50,100,200,400,1600,3200  අගයන්ගෙන් තියෙනව.ෆිල්ම් කැමරාවකදී එහෙම වෙනස් කරන ISO speed එක digita camera එකකදී camera එක තුල තිබෙන සැකසුම් වෙනස් කිරීමෙන්  ගන්න පුළුවන්.

Shutter Speed
shutter speed  කියලා කියන්නේ කැමරාව ආලෝකය ලබා ගන්නකොට අරින වාහන දොර කොච්චර වෙලා ඇරගෙන ඉන්නවද කියන එකයි.එතනදිත් අර ඉස්සෙල්ල කිවුව සිද්දියම වෙනවා.වැඩි වෙලා ඇරගෙන හිටියොත් වැඩි ආලෝක ප්‍රමාණයක් ඇතුලට එනවා.අඩු වෙලාවක් ඇරගෙන හිටියොත් ඇතුලට එන ආලෝක ප්‍රමාණය අඩු වෙනවා.
ඒක මනිනිනේ තත්පර වලින්.හැබැයි කියන්නේ තත්පරයකින් කීයෙන් පන්ගුවක්ද කියලයි.උදා:1/1000 s,1/500 s,1/250 s,1/60 s,1/30 s,1/15 s,1/8 s,1/4 s,1/2 s,1 s,2 s,
මේක බැලුවම ඔයාලට තේරේවි shutter speed එක වෙනස් වෙනකොට ඡායාරූපයට මොකද වෙන්නේ කියල. 

LESSON 1

APERTURE......
               ඡායාරූපකරණය පිළිබද කතා  කිරීමේ දී  වැදගත්ම topic එකක් ලෙස මෙය පෙන්වා දිය හැකිය.කැමරාව හැසිරවීමේ දී මේ පිළිබද දැනුම ඉතා වැදගත් වේ.මෙහිදී  ලැබෙන අවස්ථාවට අනුව aperture එක  ඔබට කැමැති ලෙස ලෙස සකස් කර  ගන්න.shutter speed,focus,white balance,ISO කියන දේවල් කැමරාව මගින් ගැලපෙන ලෙස  සකසා ගන්නවා.aperture එක වෙනස්  කිරීමෙන් වන්නේ ඔබට අවශ්‍ය ලෙස depth of field සකසා ගත හැකි වීමයි.එහි ඉලක්කම (aperture value) වැඩි වෙන්න වැඩි වෙන්න,විවරයේ ප්‍රමාණය කුඩා වෙනවා.එවිට කැමරාව තුලට එන ආලෝක ප්‍රමාණය අඩුයි.එවිට DOF එක වැඩි වෙනවා.aperture value එක අඩු වන විට විවරය විශාල වෙනවා.එවිට කැමරාව තුළට එන ආලෝක ප්‍රමාණය වැඩියි.එවිට DOF එක අඩු වෙනවා.

                  ඒ වගේම aperture එක අනුව කැමරාව මගින් අවශ්‍ය ලෙස shutter speed එක  ගන්නවා.කුඩා aperture value එකකට  වේගවත් shutter speed එකකුත් විශාල aperture value එකකට අඩු shutter speed එකකුත් ලෙස කැමරාව shutter speed එක සකස ගන්නවා.කැමරාව A ( හෝ AV ) කියන MODE එකට දාගන්න.

                                                                                                                                                                                                                                                                                                                                        ඊ පස්සේ අපි බලමු මේ shutter speed එක අනුව ගත් ඡායාරූප කිහිපයක්

                 

මේ  තමයි aperture value දෙකකින් ගත් ඡායාරුපයක්.මෙහි පළමු රුපයේ shutter speed එක වැඩි අගයක් ගන්නා අතර දෙවන ඡායාරුපය shutter speed එක අඩු අගයක් ගනී.